Криштиану доим юрагимда қолади – Мендеш

Португалиялик ҳужумчи Криштиану Роналдунинг собиқ агенти Жорже Мендеш футболчи билан муносабатлари ҳақида гапирди.

“Криштиану доим юрагимда қолади. У мен учун алоҳида футболчи ва шахс. Ҳар бир португалиялик бизда у каби футболчи борлигидан фахрланиши керак. Мен бир гапни доим айтаман: у тарихдаги энг яхши футболчи ва шундай бўлиб қолади – ҳатто бошқалар билан солиштирганда ҳам. У чинакамига тинимсиз меҳнат қилди ва ёшларга ўрнак бўлди. Кўпчилик Роналдиньо ва Мессини тарихдаги энг кучли футболчи деб билади, лекин Криштиануда футболчи учун керак бўлган барча хусусият бор. У ҳақиқий машина”, дейди Мендеш.

Роналду ва Мендешнинг ҳамкорлиги 2022 йил охирида ўз якунига етди. Ўша вақтда Криштиану “Челси” ёки “Бавария”га ўтишни хоҳлаган, бироқ Мендеш ушбу клублар билан келишувга эриша олмаган.

Маълумот учун, Жорже Мендеш Радамель Фалькао, Анхель ди Мария, Диего Коста, Хамес Родригес, Андре Гомеш ва бир қатор машҳур, мураббийлар Жозе Моуриньо ва Луис Фелипе Сколарининг ҳам агенти ҳисобланади. У кўп бора “Globe Soccer Awards” томонидан “Йилнинг энг яхши футбол агенти” мукофотини қўлга киритган.