Коронавирус келиб чиқиши бўйича янги маълумотлар очиқланди

Ухандаги Ҳуангнань бозори 2019-nCоV коронавирусининг асл манбайи эмас. Бу ҳақда Касалликларни олдини олиш ва назорат қилиш миллий марказининг хитойлик олимлари маълум қилди.

Таъкидланишича, тадқиқот давомида Хитойнинг савдо нуқталарида сотилган ҳайвонларнинг намуналари ўрганилган. Уларнинг COVID-19 учун синов натижалари салбий эди. Бу шуни англатадики, харидорларга вирус ҳайвонлардан юқмаган.

"Маълум бўлишича, бозор инфекциянинг қурбонларидан бири бўлган", дейди марказ раҳбари Гао Фу.

Бундан ташқари, вирус ҳайвонлар орқали одамларга "оралиқ ҳайвон" орқали юқтирилишидан олдин пайдо бўлганлиги тасдиқланган. Инфекциянинг аниқ жойи номаълум.

Жоржтаун университети зоологи Колин Карлсоннинг сўзларига кўра, Ухандаги денгиз маҳсулотлари бозори, вирус кенг тарқалишига сабабчи бўлган халос.

Маълумот учун, 2019 йил 31 декабрь куни Хитой ҳукумати Жаҳон соғлиқни сақлаш ташкилотига мамлакатнинг марказий қисмида Ухань шаҳрида номаълум пневмония касаллиги ҳақида хабар берди. Мутахассислар касалликнинг қўзғатувчиси янги коронавирус эканлигини аниқладилар, кейинчалик касаллик расмий равишда COVID-19 деб номланди. ЖССТ 11 март куни дунёда янги коронавирус пандемиясини эълон қилди.