Когон магистрал газ қувурлари бошқармасида ёнғин юз берди

Бугун, 11 июнь куни Бухоро вилояти Когон шаҳар газчилар қўрғонида жойлашган “Когон магистрал газ қувурлари” бошқармасида ёнғин содир бўлди. Бу ҳақда вилоят ФВБга соат тахминан 04:10 да хабар тушган.

Шунга кўра 8 та ёнғин-қутқарув экипажи ва 2 та махсус техника воқеа жойига соат 04:13 да етиб борган ва ёнғин соат 05:50 да ўчирилган.

Ёнғин натижасида1-газ ҳайдаш ускунаси ёниб зарарланган.

Ҳодиса оқибатида тан жароҳати олган ва ҳалок бўлганлар йўқ. Ҳозирда ёғинни келиб чиқиш сабаби ва моддий зарар миқдори аниқланмоқда.