Ким энг катта кемасини қурмоқда

Шимолий Корея ўз тарихида энг катта кемага айланиши мумкин бўлган ҳарбий кемани қурмоқда. Бу ҳақда сунъий йўлдош тасвирларига таяниб, CNN хабар берди.

“Maxar Technologies ва Planet Labs” сунъий йўлдошлари томонидан олинган суратларга кўра, ушбу кема Шимолий Кореянинг ғарбий соҳилида, Пхеньяндан тахминан 60 километр жануби-ғарбда жойлашган Nampo кемасозлик заводида қурилмоқда.

“Ҳозирда кеманинг ички тизимлари қурилиши давом этмоқда, бу, эҳтимол, қуруқлик ва денгиздаги нишонларга қарши фойдаланиш учун ракеталарни ташишга мўлжалланган, бошқариладиган ракеталар фрегати (FFG) бўлиши мумкин”, дейилади хабарда.

Маълум қилинишича, FFG тахминан 140 метр узунликка эга бўлиб, Шимолий Кореяда ишлаб чиқарилган энг катта ҳарбий кема ҳисобланади.

Нашрнинг қайд этишича, Пхеньян БМТнинг мамлакатга материаллар ва технологиялардан фойдаланишни қатъий чекловчи санкцияларига қарамай, кема қурмоқда. Улар КХДРга санкцияларни четлаб ўтишда айнан Россия ёрдам бераётганини истисно қилмаяпти.

Жанубий Кореянинг истеъфодаги адмирали Ким Дук Кининг фикрича, Москва фрегатнинг ракета тизимлари учун технологияни тақдим этиши мумкин.

Расмлар шуни кўрсатадики, ҳарбий кема замонавий денгиз кучларига эга бўлган қуролларга эга бўлиши мумкин.

ОАВга кўра, кема суратлари Корея давлат марказий телевидениесида ўтган йилнинг охирида пайдо бўлган. Суратларда КХДР етакчиси кема конструкциясини кўздан кечираётгани акс этган.

Эслатиб ўтамиз, аввалроқ Корея Халқ Демократик Республикаси етакчиси Ким Чен Ин Корея халқ армиясининг махсус тайёргарликдан ўтган бўлинмалари учун мўлжалланган ўқув базасига ташрифи чоғида яқинда ишлаб чиқилган снайпер милтиғини шахсан синаб кўргани ҳақида хабар берилганди.