Хоразмда 83 туп дарахт йўқ қилинди
Жамият
−
17 Декабрь 2022 4824
Хоразм вилоятининг Қўшкўпир туманида 83 туп дарахт кесиб ташлангани аниқланди. Бу ҳақда Хоразм вилояти Экология бошқармаси хабар берди.
Қайд этилишича, ижтимоий тармоқларда “Қўшкўпир туманида 100 дан ортиқ дарахтлар кесиб ташланибди” сарлавҳаси остида тарқалган видео мурожаат юзасидан ўрганиш ишлари ўтказилган.
Мазкур ўрганиш давомида туманидаги “Rasulbek” фермер хўжалиги ер майдони ҳудудида 83 туп ҳар хил катталикдаги терак, жийда ҳамда туронғил дарахтлари қўпорилгани, шу билан бирга 3 туп дарахт шикастлангани аниқланган.
Ҳозирда ҳолат юзасидан қонуний чора кўриш мақсадида хужжатлар расмийлаштирилмоқда.
Аввалроқ, Сурхондарё вилояти Бойсун туманида 51 туп дарахт ноқонуний кесиб кетилгани юзасидан Сурхондарё вилояти прокуратураси томонидан жиноят иши қўзғатилгани ҳақида хабар берилган эди.
Озода Чориева
Live
Барчаси