Xitoyda mehmonxona qulashi oqibatida 8 kishi qurbon bo‘ldi

Olam

−

13 iyul 2021 visibility7427 timer1 daqiqa

Xitoy sharqidagi Szyansu provinsiyasida mehmonxona qulab tushishi oqibatida sakkiz kishi qurbon bo‘ldi, yana to‘qqiz kishi bedarak yo‘qoldi. Bu haqda Suchjou shahri ma’muriyati xabar bergan.

“12 iyul kuni Suchjou shahrining Uszyan tumanidagi Four Seasons Siji Kaiyuan mehmonxonasining yordamchi binosi qulab tushdi. Jarohat olganlarni davolash, qurbonlar sonini kamaytirish va ikkilamchi ofatlarning oldini olish uchun choralar ko‘rildi”, deyilgan xabarda.

Ta’kidlanishicha, qutqaruv ishlariga 600 dan ortiq odam, shu jumladan qutqaruv guruhlari va 120 ta avtomobil safarbar qilingan. Qutqaruvchilar tirik qolganlarni topish uchun kranlar, narvonlar, metall kesuvchi dastgohlar va qidiruv itlaridan foydalanmoqda.

Ayni paytda kamida olti kishi qutqarilgani bo‘yicha ma’lumotlar bor. Binoning qulashi sabablari aniqlanmagan.

Maqola muallifi