Хитойда 12-қаватдан йиқилган аёл омон қолди
Олам
−
24 Май
5296Хитойнинг жануби-шарқидаги Цзянси провинциясининг Лэпин шаҳрида яшовчи 44 ёшли аёл Пэн Хуэйфан 12-қаватдан йиқилиб тушганига қарамай, мўъжизавий тарзда омон қолди. Бу ҳақда “South China Morning Post” нашри хабар берди.
Нашрга кўра, аёл турмуш ўртоғи – дераза ишлаб чиқариш билан шуғулланувчи тадбиркорга оғир дераза ромини пастки қаватдан 12-қаватгача кўтаришда ёрдам бераётган бўлган. Бунинг учун улар кўтарувчи мосламадан фойдаланган, бироқ уни тўғри ишлатишни билмагани туфайли дераза асоси дарахтга илашиб, пастга қулаган. Шу билан бирга, асосни ушлаб турган кўтарувчи мослама занжири аёлни ҳам ўзи билан тортиб кетган.
Ўша пайтда Пэн Хуэйфан квартиранинг ичида бўлган, ўзини хавфсиз деб ҳисоблаб, хавфсизлик камарини тақмаган. Оқибатда у 12-қават баландлигидан қулаб, қуйи қаватда ўрнатилган тент устига тушган ва кейин ерга йиқилган.
Шокка тушган аёл оғриқни сезмаган, бироқ дарҳол эри билан боғланиб, “Мен ҳали тирикман, 120 га қўнғироқ қил!”, дея ёрдам сўраган (Хитойда “120” тез тиббий ёрдам рақами).
Унинг юқори тана қисми деярли зарар кўрмаган, бироқ бел умуртқаси, ўнг оёғининг панжаси ва чап оёғи синиб кетган. Аёл аллақачон бир нечта операцияни бошдан кечирган. Шифокорларнинг тахминига кўра, у ярим йил ичида яна нормал юра олади.
Нашрга кўра, аёлнинг ҳаётини сақлаб қолган бу воқеа оилага қимматга тушган – даволаниш харажатлари аллақачон 70 минг юанга (10 минг АҚШ доллари) етган. Ҳодиса хавфсизлик қоидаларига риоя қилинмагани туфайли юз бергани сабабли, суғурта компаниялари товон пули тўламайди. Шу сабабли эр-хотин даволаниш учун маблағ йиғиш мақсадида танишларидан ёрдам сўрамоқда.
LiveБарчаси