Хитой Украинага қурол берилаётганини танқид қилди

Олам 12057
image

Қурол етказиб бериш Украинага тинчлик келтира олмайди ва санкциялар Европадаги хавфсизлик муаммосини ҳал қилмайди. Бу ҳақда бугун, 19 май куни Хитой Ташқи ишлар вазири Ван И BRICS (Бразилия, Россия, Ҳиндистон, Хитой, Жанубий Африка) Ташқи ишлар вазирларининг видеоконференция орқали йиғилишидаги мурожаатида маълум қилди. Мурожаат Хитой ТИВ сайтида эълон қилинди.

“Қурол етказиб беришни Украинадаги тинчликка алмаштириб бўлмайди, санкциялар ва босим эса Европадаги хавфсизлик дилеммасини ҳал қила олмайди”, дейди у.

Ван Ига кўра, Хитой Россия ва Украина қийинчиликларни енгиб, музокараларни давом эттиришига умид қилади ва кутади.

“Украинадаги инқироз ҳозирда жаҳон савдосининг нормал ривожланишига ва ишлаб чиқариш занжирларининг барқарорлигига путур етказди, бу эса глобал озиқ-овқат, энергетика ҳамда молиявий хавфсизликка таҳдид солмоқда”, дея қўшимча қилди у.

Юлдуз Абдурашидова
Мақолага баҳо беринг
Баҳолаганлар: 620
Рейтинг: 2.9
t
×