“Касаллик – бу ҳаётнинг бир синови”.  Бемор қандай қилиб тери меланомасини енгганини айтиб берди

Ҳаёт баъзан кутилмаган синовларни тақдим этади. Баъзи пайтда бу синовлар шунчалик оғир бўладики, инсон ўз кучига, сабрига, ҳатто тақдирига ҳам ишонмай қўяди.

Худди шундай синов 68 ёшли Равшан Норматович Талипов билан ҳам содир бўлди. Унга 2021 йилда тери саратонининг энг хавфли тури – тери меланомаси ташхиси қўйилди.

Аммо шундай оғир синовга дуч келганига қарамасдан, Равшан Талипов бош эгмади, иродаси, ишончи ва тўғри танланган шифокор ҳамда замонавий тиббий ёрдам билан касалликни енгишга муваффақ бўлди.

Бунинг барчаси 2021 йил 17 август куни Равшан Талиповнинг қулоқ яқинидаги ҳоли қонаганидан бошланди. У дерматологга дарҳол мурожаат қилди, мутахассис эса беморни Тошкент шаҳар онкология шифохонасига йўналтирди.

Дастлабки ташхис – тери меланомаси (1-босқич). Шифокорлар аниқ ташхисни ўсимтани жарроҳлик йўли билан олиб ташлагандан сўнггина қўйиш мумкинлигини маълум қилишди.

2021 йил 25 август куни жарроҳлик амалиёти ўтказилди. Таҳлиллар натижасида хавфли меланома борлиги тасдиқланди. Бироқ касалликнинг аниқ босқичини белгилаш учун зарур ускуналар мамлакатда мавжуд эмас эди. Шу сабабли, Равшан Талипов ва унинг оиласи хориждан ёрдам излашга қарор қилди.
Кўп изланишлардан сўнг улар Туркиянинг “Anadolu” тиббий марказини танлашди. Бу қарор сабабсиз эмас эди, клиника АҚШнинг машҳур Johns Hopkins Medicine маркази билан ҳамкорлик қилади, халқаро протоколларга асосланган илғор даволаш тизимига эга ҳамда ҳар бир беморга алоҳида эътибор билан ёндашади.

2021 йил 11 октябрь куни Равшан Талипов “Anadolu” клиникасида онколог доктор Синан Карааслан қабулида бўлди. Барча зарур таҳлиллар ўтказилгандан сўнг, лимфа тугунларида метастазлар аниқланди.

Жарроҳлик амалиёти давомида 23 та лимфа тугуни олиб ташланди. Кейинчалик беморга таргет терапия, сўнг эса иммунотерапия тавсия этилди. Ҳар 21 кунда ўтказилган муолажалар натижасида у аста-секин соғайиб, куч ва иштиёқни қайта ҳис эта бошлади.

2022 йилда яна бир жарроҳлик амалиёти – қулоқ яқинидаги сўлак безини олиб ташлаш амалга оширилди. Шундан сўнг, даволаш жараёни қайта кўриб чиқилиб, иммунотерапия давом эттирилди.

Ҳозирда Равшан Талипов ҳар олти ойда “Anadolu” клиникасида назорат кўригидан ўтиб келмоқда ва ўзини жуда яхши ҳис қилмоқда.

“Энг муҳими – ҳеч қачон умидни йўқотмаслик. Касаллик – бу ҳаётнинг бир синови, аммо инсон иродаси, ишончи ва замонавий тиббиётнинг ютуқлари билан ҳар қандай оғир ҳолатни енгиш мумкин. “Anadolu” клиникасининг фидокор жамоаси менга соғлом ҳаётнинг иккинчи имконини берди”, дейди Равшан Талипов.
Унинг сўзларига кўра, онколог Синан Карааслан, пластик жарроҳлар, ҳамширалар ва айниқса, координатор Мелике Ҳайдар унинг соғайишида муҳим роль ўйнаган.

“Улар беморларни фақат даволамайдилар, балки уларга умид ва ишонч бахш этадилар”, дейди у миннатдорлик билан.

“Anadolu” тиббий маркази бугунги кунда Туркиядаги етакчи онкологик муассасалардан бири бўлиб, дунёнинг турли мамлакатларидан келган беморларга халқаро стандартлар асосида даволаш хизматларини тақдим этади.

“Anadolu” клиникасининг Ўзбекистондаги расмий ваколатхонаси манзили:

Тошкент шаҳри, Ракат кўчаси 10/25

Телефонлар:
+998 (99) 117 76 66
+998 (55) 518 23 33
+90 (530) 954 30 22

Электрон почта: аnadolu.tashkent@anadolusaglik.org
Веб-сайт: anadolumedicalcenter.ru

Реклама ҳуқуқи асосида