Карло Анчелотти фаолиятини Англияда давом эттириши мумкин
Спорт
−
28 Ноябрь 2023 3140
Англиянинг “Манчестер Юнайтед” клуби раҳбарияти жамоа мураббийлигига “Реал” устози Карло Анчелоттини таклиф қилиши мумкин. Бу ҳақда “Onze Mondial” хабар берди.
64 ёшли мураббийнинг “Реал” билан шартномаси жорий мавсум охиригача амал қилади. Мадрид клуби Анчелотти билан шартномани 2026 йилга қадар узайтириш ниятида – “қаймоқранглилар” Бразилия терма жамоасининг қизиқишига қарамай, мураббий янги шартнома имзолашга рози бўлишига ишонмоқда.
“Манчестер Юнайтед” раҳбарияти Эрик Тен Хаг бошчилигидаги жамоанинг ўйинларидан кўнгли тўлмаяпти. Шу боис ҳам италиялик мутахассисни ўз сафига таклиф қилишга тайёр.
Англия чемпионатининг 13-туридан сўнг “Ман Юнайтед” 24 очко жамғариб, турнир жадвалининг 6-поғонасида бормоқда. Мадриднинг “Реал” клуби эса 14 та турдан кейин Ла Лига турнир жадвалида 35 очко билан пешқадамлик қилмоқда.
Live
Барчаси
