Канн кинофестивали қолдирилди

Маданият-санъат 2915
image

Канн кинофестивали 2021 йилнинг баҳоридан ёзига қолдирилди. Ташкилотчиларнинг айтишича, фестиваль 6-17 июль кунлари бўлиб ўтади. Дастлаб фестиваль бўлиб ўтадиган сана аввалги йилларда бўлгани каби 11-22 май кунлари ўтиши режалаштирилган эди.

“Ўтган йилнинг кузида хабар берганимиздек, Канн кинофестивали дунёдаги санитария ҳолатига қараб, унинг ўтказилиш санасини ўзгартириш мумкинлигини истисно қилмади. Шундай қилиб, энди Канн 6 дан 17 июлгача бўлган муддатда ўтказилиш кўзда тутилган”, дейилади баёнотда.

2020 йилда пандемия сабабли машҳур фестиваль бекор қилинди; намойиш этилиши режалаштирилган баъзи фильмлар бошқа фестивалларда қўйиб берилди ва кинотеатрларда тематик намойишлар бўлиб ўтди. 2020 йилда коронавирусга қарши чораларга қатъий риоя қилган ҳолда Берлин ва Венецияда кинофестиваллар ўтказилди.

Умиджон Нозимжонов
Мақолага баҳо беринг
Баҳолаганлар: 30
Рейтинг: 2.9
t
×