Камбоджадаги ёнғин қурбонлари сони 26 кишига етди
Олам
−
31 Декабрь 2022 3938
Камбоджадаги “Grand Diamond City” меҳмонхонаси ва казиносида содир бўлган ёнғин оқибатида ҳалок бўлганлар сони 26 кишига етди. Бу ҳақда “Fresh News” хабар берди.
Расмийларга кўра, ҳалок бўлганлар орасида 17 нафар Таиланд фуқароси бўлган. Шунингдек, Непал, Малайзия ва Хитой фуқаролари ҳам ҳалок бўлган.
Яна олти нафар қурбоннинг жасади аниқланмаган, бироқ улар ҳам чет эл фуқаролари эканлиги тахмин қилинмоқда.
Бундан ташқари, 57 киши жароҳатланган.
Эслатиб ўтамиз, 28 декабрь куни тунда Камбоджанинг Пойпет шаҳридаги “Grand Diamond City” меҳмонхонаси ва казиносида ёнғин содир бўлганди. Дастлаб ёнғинда ўн киши ҳалок бўлиб, 30 киши шифохонага ётқизилган эди.
Live
Барчаси