Kallas Xitoyni Rossiyani qo‘llashni to‘xtatishga chaqirdi

Yevropa Ittifoqining tashqi ishlar va xavfsizlik siyosati bo‘yicha oliy vakili Kaya Kallas Xitoy kompaniyalarini Ukrainadagi urushda Moskvani qo‘llab-quvvatlashni to‘xtatishga chaqirdi, chunki bu harakatlar “Yevropa xavfsizligiga jiddiy tahdid soladi”. Bu haqda u kecha, 2 iyul kuni Xitoy Tashqi ishlar vaziri Van I bilan Bryusselda o‘tkazgan Yevropa Ittifoqi-Xitoy strategik muloqotining 13-yig‘ilishida ma’lum qildi.

Yevropa tashqi harakatlar xizmatining xabariga ko‘ra, Kallas Pekindan Rossiya harbiy-sanoat kompleksiga “barcha moddiy yordam ko‘rsatishni zudlik bilan to‘xtatishni” va “BMT Nizomini to‘liq hurmat qilish asosida Ukrainada to‘liq va so‘zsiz o‘t ochishni to‘xtatish, adolatli va mustahkam tinchlikni” qo‘llab-quvvatlashni talab qilgan.

Yevropa diplomatiyasi rahbari, shuningdek, Xitoyni Yevropa Ittifoqi bilan iqtisodiy munosabatlar muvozanatini tiklashga va o‘zaro bozorga kirishni yaxshilashga chaqirdi. Bundan tashqari, u Xitoy “Yevropa kompaniyalari uchun jiddiy xavf tug‘diradigan va global ta’minot zanjirlarining ishonchliligiga tahdid soladigan noyob yer metallari bo‘yicha eksport cheklovlarini” to‘xtatishi kerakligini ta’kidlagan.

YeI-Xitoy sammiti 24-25 iyul kunlari Pekinda o‘tkazilishi rejalashtirilgan, unda Bryussel va Pekin diplomatik munosabatlarning 50 yilligini nishonlaydi.