Қутқарувчилар Индонезияда қулаган самолёт қолдиқларини топди

Олам

image

Индонезиялик қутқарувчилар Ява денгизига қулаган “Sriwijaya Air” самолёти қолдиқларини топдилар. Бу ҳақда бугун, 10 январь куни журналистларга Республика денгиз флоти вакили Фахрул маълум қилди.

“Биз ҳаво ташувчиси рангидаги фюзеляж қолдиқлари, электр симлар ва шассини топишга муваффақ бўлдик”, дейди у.

Фахрул лайнер қисмлари Серибу архипелаги таркибига кирувчи Лаки ва Ланканг ороллари ўртасида топилганига аниқлик киритди. Унга кщра, тез орада буларнинг барчаси қирғоққа етказилади.

Аввалроқ, Индонезия пойтахти Жакартадан Ғарбий Калимантан ҳудудидаги Понтианак шаҳрига йўл олган “Sriwijaya Air” авиакомпанияси самолёти ҳавога кўтарилганидан кўп ўтмай радарлардан ғойиб бўлгани ҳақида хабар бергандик. 

Маҳаллий телевидение маълумотларига кўра, самолёт Жакарта яқинида сувга қулаган. 

Қайд этилишича, лайнер қолдиқлари ва йўловчиларнинг жасадлари сувдан топилган. 

Индонезия Қидирув-қутқарув агентлиги вакили Юсуф Латиф Жакартадан парвоз қилган самолёт билан алоқа узилганини тасдиқлаган. 

Маълумотларга кўра, самолёт Индонезия пойтахтидан жўнаб кетганидан 4 дақиқа ўтгач, кўздан ғойиб бўлган. Самолёт бортида 59 нафар йўловчи, шу жумладан олти нафар бола бўлган. Воқеага гувоҳ бўлган балиқчилар ҳавода икки марта портлаш содир бўлганини кўрган. Қутқарув операцияси давомида сувда самолёт ва одам танасининг бўлаклари топилган.

 


Мақола муаллифи

Теглар

Баҳолаганлар

110

Рейтинг

3

Мақолага баҳо беринг

Дўстларингиз билан улашинг