Қозоғистондаги мактабларда дарс жараёнлари онлайн шаклга ўтказилди
Олам
−
17 Апрель 2023 19811
Бугун, 17 апрель кунидан бошлаб Қозоғистон Республикасининг Остона шаҳридаги мактабларда ўқув машғулотлари кучли қор бўрони туфайли онлайн шаклга ўтказилди. Бу ҳақда “Zakon.kz” нашри хабар берди.
Аниқлик киритилишича, шаҳардаги мактабларнинг 1-11-синф ўқувчилари, шунингдек, коллежнинг 1-2-босқич талабалари ноқулай об-ҳаво шароити туфайли масофавий таълимга ўтган.
Шунингдек, Қозоғистон пойтахтида қор ёғиши, қор бўрони ва шамолнинг кучайиши 15-20 м/с гача етган. Об-ҳаво шароитлари ёмонлашгани сабабли транспорт оқимлари ва жамоат транспорти тезлиги пасайган. Автобус йўналишларининг интерваллари ҳам кечиктирилган.
Маълумотларга кўра, бугун, 17 апрель куни Остона ва Қозоғистоннинг 14 вилоятида қор бўронлари ҳақида огоҳлантириш эълон қилинган.
Эслатиб ўтамиз, жорий йилнинг 15 апрель куни Қозоғистон Республикасининг Остона шаҳрида ҳарорат 9 даражага тушиб кетиб, қалин қор ёғган эди.
Live
Барчаси
