Қозоғистонда Президент сайлови қачон ўтказилиши маълум қилинди
World
−
21 September 2022 7528 1 minute
Қозоғистон Президенти Қосим-Жомарт Тўқаев жорий йилнинг 20 ноябрига навбатдан ташқари президентлик сайловини тайинлаш тўғрисидаги фармонни имзолади. Бу ҳақда Президентнинг матбуот хизмати маълум қилди.
“Қозоғистон Республикаси Президенти сайлови 2022 йил 20 ноябрга тайинлансин”, дейилади фармон матнида.
Унга кўра, Марказий сайлов комиссиясига навбатдан ташқари Президент сайловини ташкил этиш ва ўтказишни таъминлаш юклатилган.
Қайд этилишича, мазкур фармон биринчи расмий эълон қилинган кундан эътиборан кучга киради.
Эслатиб ўтамиз, 1 сентябрь куни Қозоғистоннинг амалдаги Президенти Қосим-Жомарт Тўқаев жорий йилнинг кузида навбатдан ташқари президентлик сайлови, 2023 йилнинг биринчи ярмида эса парламентга навбатдан ташқари сайловлар ўтказилишини маълум қилган эди.
Фарангиз Салимова
Live
All