Қозоғистонда кучли қор бўрони сабаб авиарейслар бекор қилинди

Қозоғистоннинг Олмаота шаҳрида кучли қор ёққани сабабли йўлларда тирбандлик даражаси 10 баллга ошди. Бу ҳақда NUR.KZ хабар бермоқда.

Шаҳар коммунал инфратузилмасини ривожлантириш бошқармаси Олмаотада давлат хизматлари кучайтирилган режимга ўтказилганини маълум қилди.

Айни пайтда қорни тозалашга 483 та махсус техника, 1180 нафар йўл ишчилари жалб этилган. Шунингдек, пиёдалар йўлаклари, умумий фойдаланиш жойлари ва ижтимоий аҳамиятга эга объектларга кириш жойларини супуриш бўйича 174 дона кичик пиёдалар йўлакларини тозалаш техникаси жалб этилган, дейилади хабарда.

Шунингдек, маҳаллий ҳокимликлар томонидан ишларнинг боришини назорат қилиш мақсадида тун-у кун навбатчилик ташкил этилган.

Айрим жойларда шаҳарда тирбандлик юзага келиб, кичик бахтсиз ҳодисалар ҳам учраб туриши маълум қилинган. Оғир об-ҳаво шароити ҳаво транспорти фаолиятига ҳам таъсир кўрсатди. Олмаота аэропортидан  учувчи камида 12 рейснинг кечиктирилишини маълум қилди.

Сарвар Хуррамов