Қозоғистонда Қурбон ҳайити қачон бўлиши эълон қилинди

Қозоғистон мусулмонлари диний бошқармаси 16 июнни Қурбон ҳайит байрамининг биринчи куни деб эълон қилди.

“Янги ой 2024 йил 6 июнда бошлангани сабабли бу йил Зулҳижжа ойи 7 июндан, Арафа куни эса 15 июнга тўғри келади, шунинг учун Қурбон ҳайити 16 июнь куни бошланади”, дейилади хабарда. 

Ҳукумат порталида 2024 йил учун байрамлар тақвими эълон қилинган, унда 2024 йилда Қурбон ҳайитнинг биринчи куни 17 июнь – душанбага (дам олиш кунлари) тўғри келиши ҳақида хабар берилган эди. "Informburo.kz" таҳририяти Меҳнат вазирлиги матбуот хизмати билан боғланиб, киритилган ўзгартиришлар муносабати билан 17 июнь иш куни бўлишини маълум қилди.

“2024 йил учун байрам ва дам олиш кунлари тақвими тузилаётганда Қозоғистон мусулмонлари диний бошқармаси Қурбон ҳайити 17 июнь куни бўлишини расман маълум қилганди. Бу кун иш куни бўлгани учун уни дам олиш куни қилиш режалаштирилган эди. Энди Қозоғистон мусулмонлари диний бошқармаси Қурбон ҳайит 16 июнга тўғри келишини эълон қилди. Дам олиш кунларига тўғри келадиган диний байрамларни бошқа жойга кўчириш мумкин эмас. Шу сабабли, кечиктириш бўлмайди, чунки бу аллақачон дам олиш куни", дейилади Қозоғистон Меҳнат вазирлиги муносабатида.

"Al Arabiya" нашрининг ёзишича, Саудия Арабистонида ҳам Қурбон ҳайити 16 июнь куни бўлиши белгиланган.