Қозоғистон ва Қирғизистондаги ОТМларга ўқишга олиб киришни ваъда қилаётган фирибгарлар қўлга олинди

3-саҳифа

image

Ўзбекистонда хорижий мамлакатлар университетларига ўқишга олиб кириб қўйишни ваъда қилиб, пора олаётган кимсалар қўлга олингди. Бу ҳақда Бош прокуратура ҳузуридаги Иқтисодий жиноятларги қарши курашиш департаменти хабар бермоқда. 

Қайд этилишича, Департаментнинг Улуғнор туман бўлими томонидан ўтказилган тезкор тадбирда, фуқаро Ш.Т. фуқаро Ф.ни Қирғизистон Республикаси Ўш давлат университетида ишловчи танишлари орқали ушбу университетнинг жисмоний тарбия факультетига ўқишга киритиб, 2-босқичга ўтганлиги тўғрисидаги ҳужжатларни тайёрлаб бериши эвазига 2 000 АҚШ долларини олган вақтида ашёвий далиллар билан ушланган.

Шу каби, Департаментнинг Ўртачирчиқ туман бўлими ҳамда ДХХнинг Тошкент вилояти бошқармалари томонидан ўтказилган тезкор тадбирда, фуқаро М.Ф. бошқа бир фуқаро Ч.нинг ишончига кириб, уни қўшни Қозоғистон Республикаси Чимкент шаҳридаги университетнинг “Ҳуқуқ” йўналишига ўқишга киритиб қўйиш эвазига 1 200 АҚШ долларини олган вақтида ашёвий далиллар билан ушланган.

Шунингдек, Департамент ҳамда ДХХнинг Жиззах вилояти бошқармалари томонидан ўтказилган тезкор тадбирда, Жиззах шаҳридаги Абу Али ибн Сино номидаги жамоат саломатлиги техникуми ўқитувчиси Ш.С. (муқаддам фирибгарлик жинояти учун судланган) фуқаро У.ни кириш имтиҳонларида ёрдам бериб, ушбу техникумга ўқишга киритиб қўйиш эвазига 400 АҚШ долларини фирибгарлик йўли билан олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.


Мақола муаллифи

Теглар

коррупция

Баҳолаганлар

61

Рейтинг

3

Мақолага баҳо беринг

Дўстларингиз билан улашинг