Қорақалпоғистондаги боғчада яроқсиз овқатлар тайёрланиши айтилмоқда
3-саҳифа
−
30 Ноябрь 2022 6713 1 дақиқа
Ижтимоий тармоқларда Қорақалпоғистон Республикасидаги боғчалардан бирида сифатсиз ва яроқсиз маҳсулотлардан овқат тайёрланиши айтилган видеомурожаат тарқалди. Ҳолат юзасидан Санитария-эпидемиологик осойишталик ва жамоат саломатлиги хизмати муносабат билдирди.
Видеомурожаатда қайд этилишича, Тўрткўл туманидаги 8-сонли мактабгача таълим ташкилотида сифатсиз ва яроқсиз маҳсулотлардан овқат тайёрланиб келинган.
Шунингдек, боғча ошхонасидаги маҳсулотлар каламушлар томонидан “ўғирланиши” айтилмоқда.
Видеода акс этган ҳолат Санитария-эпидемиологик осойишталик ва жамоат саломатлиги хизмати томонидан назоратга олинган.
“Айни пайтда ҳолат юзасидан Қорақалпоғистон Республикаси Санитария-эпидемиологик осойишталик ва жамоат саломатлиги бошқармаси мутахассислари томонидан текширув ишлари давом эттирилмоқда ва уларнинг натижалари бўйича қўшимча маълумот берилади”, дейилади хизмат хабарида.
Live
БарчасиЗангиотадаги бинода ёнғин чиқди
15 Ноябрь
Судан армияси назоратни қайта тиклади
15 Ноябрь