Қорақалпоғистонда 55 нафар йўловчиси бўлган автобус ёниб кетди

3-саҳифа

−

08 Июнь 2022 visibility15211

Қорақалпоғистонда ичида 55 нафар йўловчи билан ҳаракатланиб кетаётган автобус ёниб кетди. Бу ҳақда Фавқулодда вазиятлар вазирлиги хабар берди.

Қайд этилишича, бугун, 8 июнь куни соат 03:14 да Тўрткўл тумани “Оқ қамиш” ОФЙ ҳудудидан ўтган А-380 автомагистрал йўлининг 555-киломметрида Тошкент шаҳридан Нукус шаҳрига салонида 55 нафар йўловчи ва 2 нафар ҳайдовчи билан ҳаракатланиб келаётган YUTONG русумли йўловчи ташувчи автобусда ёнғин содир бўлаётганлиги тўғрисида туман ФВБ бўлимига хабар келиб тушган.

Шунга кўра, 2 та ёнғин-қутқарув экипажи соат 03:40 да воқеа жойига етиб бориб, ёнғин соат 04:15 да бартараф этилган. Ёнғин оқибатида автобус тўлиқ ёниб зарарланган.

Ёнғин электр симларининг қисқа туташуви натижасида содир бўлганлиги тахмин қилинмоқда. Ҳодиса оқибатида тан жароҳати олганлар ва ҳалок бўлганлар йўқ.

Мақола муаллифи