Қирғизистонда ўқувчилар ахлат қутисидан чақалоқ топди

Олам

image

Кеча, 28 январь куни Қирғизистон Республикасининг Бишкек шаҳрида мактаб ўқувчилари ахлат қутисида қолган чақалоқни топди. Бу ҳақда Ленин тумани Ички ишлар бошқармаси матбуот хизмати манбаларига таянган ҳолда “24.kg” хабар берди.

Маълумотларга кўра, ҳодиса шаҳарнинг Интергельпо кўчасида содир бўлган. Бола сумкага ўралган ва ахлат қутисига ташланган. Ҳуқуқ-тартибот идоралари ходимлари томонидан чақалоқ онасининг шахсини аниқлаш мақсадида жиноят иши қўзғатилган.

Нашрга кўра, топилган чақалоқнинг жинси қиз бола. Ҳозир у шаҳар болалар клиник касалхонасининг реанимация бўлимига ётқизилган. Шифокорлар боланинг эрта туғилганини ва унда гипотермия касаллиги борлигини аниқлаган.

Эслатиб ўтамиз, аввалроқ Тошкент шаҳридаги кўчалардан бирида ҳам бозорпакет ичида янги туғилган чақалоқ топилган эди. Дастлаб пакет ҳаракатлана бошлаган. Сўнг унинг ичидан боланинг йиғиси эшитилган. Бориб қаралганда пакет ичидан бир кунлик чақалоқ топилган.

Сара Комилжонова

 


Мақола муаллифи

avatar

.

Теглар

Қирғизистон Бишкек

Баҳолаганлар

0

Рейтинг

3

Мақолага баҳо беринг

Дўстларингиз билан улашинг