Қатар Ташқи ишлар вазири илк бор Ўзбекистонга келади
Жамият
−
09 Июнь 2021 3475
Қатар Давлати Бош вазири ўринбосари — Ташқи ишлар вазири Муҳаммад бин Абдулраҳмон Ол Соний Ўзбекистонга илк бор ташриф буюрмоқда. Бу ҳақда Ўзбекистон Ташқи ишлар вазирлиги Матбуот котиби хабар берди.
Маълум қилинишича, 9 июнь куни Ўзбекистонга Қатар Давлати Бош вазири ўринбосари — Ташқи ишлар вазири шайх Муҳаммад бин Абдулраҳмон Ол Соний бошчилигидаги делегация ташриф буюради.
Алоҳида таъкидланишича, бу — Қатар Давлати ташқи сиёсат идораси раҳбарининг Ўзбекистонга амалга ошираётган илк ташрифи.
Ташқи ишлар вазирлигида бўлиб ўтадиган учрашувда Ўзбекистон ва Қатар ўртасида сиёсий, савдо-иқтисодий, инвестициявий, маданий-гуманитар, транспорт-коммуникация, хусусан, давлатлараро ҳаво қатновларини йўлга қўйиш масаласи алоҳида муҳокама қилиниши режалаштирилган.
Live
БарчасиБухорода Ғиждувон деҳқон бозори ёнмоқда.
14 Декабрь