Қатар билан ўйин олдидан Ўзбекистон жиддий йўқотишга учради
Спорт
−
30 Январь 36889
Осиё кубогининг 1/8 финали доирасида бўлиб ўтган Ўзбекистон-Таиланд баҳсида ҳимоячи Абдуқодир Ҳусановга ҳакам томонидан сариқ карточка берилди. Энди у чорак финал ўйинида майдонга туша олмайди.
Бу Ҳусановнинг турнирдаги 2-сариқ карточкаси ҳисобланади. Ҳимоячи энди Ўзбекистон миллий терма жамоаси ярим финалга чиқсагина жамоадошларига ёрдам бериши мумкин.
Қайд этиш жоиз, 19 ёшли Ҳусанов мусобақадаги 1-сариқ карточкасини Сурияга қарши ўйинда олганди.
Маълумот учун, Ўзбекистон-Қатар ўйини 3 февраль куни бўлиб ўтади. Учрашувга Доҳа шаҳридаги “Ал-Байт” стадиони мезбонлик қилади.
