Қашқадарёда 4 ёшли ўғлини сотмоқчи бўлган она ва унинг ҳамтовоғи қўлга олинди
Жамият
−
04 Июнь 2021 6129
Қашқадарё вилояти Шаҳрисабз туманида 4 ёшли фарзандини сотмоқчи бўлган она ва унинг шериги қўлга олинди. Бу ҳақда вилоят Ички ишлар бошқармаси Матбуот хизмати хабар берди.
Маълум қилинишича, Чироқчи тумани рўйхатида туриб, Шаҳрисабз шаҳрида вақтинча яшовчи 35 ёшли А.А. Китоб туманида доимий руйхатда туриб, вақтинча Шаҳрисабз шаҳри "Лайлакон" МФЙда яшовчи 43 ёшли А.А. билан 4 ёшли ўғлини сотмоқчи бўлган.
Хабарга кўра, мазкур ҳолат юзасидан ҳуқуқ-тартибот органлари томонидан ҳамкорликда тезкор тадбир ўтказилган. Тадбир давомида аёллар болани туманда жойлашган умумий овқатланиш шохобчасида 25 миллион сўмга сотаётганда қўлга олинган.
Эслатиб ўтамиз, Навоийда 3 ёшли фарзандини 60 млн сўмга ҳамда Бухорода янги туғилган набирасини 8 млн сўмга сотмоқчи бўлган аёллар ушланганди.
Live
Барчаси