Қашқадарёда 4 киши ис газидан заҳарланиб вафот этди

3-саҳифа

image
0:00
0:00
download

Кеча, 23 январь куни Қашқадарё вилоятида бир оиланинг 4 нафар аъзоси ис газидан заҳарланиб вафот этди. Бу ҳақда Бош прокуратура матбуот котиби Ҳаёт Шамсутдинов QALAMPIR.UZ'га маълум қилди.

Қайд этилишича, Касби тумани “Қамаши” маҳалласидаги хонадонда қўлбола усулда тайёрланган иситиш печидан табиий газ ёниши оқибатида ҳосил бўлган ис гази дудбурон орқали хона ичига сизиб чиқади. Оқибатда хонада ухлаб ётган уй эгаси ва унинг турмуш ўртоғи ҳамда вояга етмаган икки нафар фарзанди ис газидан заҳарланиб вафот этган.

Оила аъзоларининг ўлим сабабини аниқлаш мақсадида судга оид тиббий экспертизаси тайинланган.

Ҳодиса юзасидан Касби тумани прокуратураси томонидан терговга қадар текширув ҳаракатлари олиб борилмоқда.

Эслатиб ўтамиз, аввалроқ Тошкент вилояти Чирчиқ шаҳрида эр-хотин ис газидан заҳарланиб вафот этганди.


Мақола муаллифи

Теглар

Қашқадарё ис гази

Баҳолаганлар

0

Рейтинг

3

Мақолага баҳо беринг

Дўстларингиз билан улашинг