Қаршида эшак гўшти сотган шахсга суд ҳукми ўқилди

3-саҳифа 11707
image
-

Хабарингиз бор, аввалроқ Қашқадарё вилояти Қарши шаҳрида хонадонида эшак сўйиб, гўштини сотаётганлар ушланганди ва мазкур ҳолат бўйича жиноят иши қўзғатилганди. 

Кеча, 20 сентябрь куни жиноят ишлари бўйича Қарши шаҳар суди томонидан ўтказилган сайёр судда эшак гўшти сотишда айбланган фуқаро Х.Ж.га ҳукм ўқилди. Бу ҳақда вилоятнинг маҳаллий телеканалнинг “Хабарлар” информацион дастурида маълум қилинган.

Айбланувчи суд процесси давомида қилган ишидан пушаймон эканлигини, бошқа бундай ишларга қўл урмаслигини айтиб, суддан енгиллик сўраган.

Судда фуқаро Х.Ж.га Ўзбекистон Республикаси Жиноят кодексининг 186-моддаси 1-қисми билан айбли деб топилиб, иш ҳақининг 20 фоизи давлат даромадига ушлаб қолинган ҳолда 2 йил ахлоқ тузатиш ишлари жазоси тайинланди.

Мурод Бердиев
Мақолага баҳо беринг
Баҳолаганлар: 508
Рейтинг: 3.1
t
×