Қамчиқдаги “балиқ ёмғири”га изоҳ берилди

Жамият 69404
image
-

Бугун, 30 ноябрь куни ижтимоий тармоқларда Қамчиқ довонида “балиқ ёмғири” бўлибди, деган хабарлар тарқалди. “Қамчиқавтойўл” ИЙФУК довондаги ҳолатга муносабат билдирди.

Маълум бўлишича, мазкур ҳодиса жорий йилнинг 26 ноябрь куни соат 16:30 лар атрофида A-373 “Тошкент-Ўш” автомобиль йўлининг 227 км. қисмида содир бўлган.

Довон йўлида ҳаракатланиб кетаётган хорижий корхонага тегишли 40 N 000071 давлат рақамли енгил автомашина юкхонасига жойлаштирилган елим идишда боқиш учун етиштирилган балиқ чавоқлари олиб кетаётган вақтда ҳаракат хавфсизлигини таъминлай олмасдан олдида кетаётган юк автомашинасига бориб урилган. Оқибатда енгил автомашинага жойлаштирилган елим идиш ёрилиб, ичидаги балиқлар йўлга сочилиб кетган.

Мазкур транспорт ҳодисасида ҳеч ким жабрланмаган. Йўлга сочилиб кетган балиқ чавоқларнинг асосий қисми нобуд бўлмасдан йиғиштириб олинган.

Суннатилла Абдуллаев
Мақолага баҳо беринг
Баҳолаганлар: 3780
Рейтинг: 3
Теглар
t
×