Қачон галстукни ечиб, этик киясан? Нега аҳвол бундай хароб? – Президент Фарғона шаҳар ҳокимини танқид қилди (видео)

Жамият

Ўзбекистон Республикаси Президенти Шавкат Мирзиёевнинг ҳафта давомидаги фаолияти акс этган “Махсус ракурс” кўрсатувининг навбатдаги сонида Фарғона шаҳридаги “Шодиёна” маҳалласига кутилмаганда, пиёда кириб борди.

Тозалаб, тартибга келтирилмаган ҳовли, капитал таъмирталаб хоналар ва сув сизиб оқиб турадиган, бузилган жўмракли ювиниш жойи. Бу ҳолатга гувоҳ бўлган Президент маҳалла раҳбарларини ташаббуссизлигини танқид қилиб, шаҳар ҳокимига қаттиқ танбеҳ берди.

“Нега аҳвол бундай? Нега мен келишим керак? Ҳамманг кабинетда ўтирсанг, қачон галстукни ечиб, этик киясан? Сурхондарёни бориб кўргин. Бунақа маҳалла раиси қолмаган. Нега ишламайсизлар? Сени мақтаётгандим. Йўлни қара, бинони қара. Биронта уйингнинг олдида барака йўқ. Ҳаммаёқ ахлат бўлиб ётибди”, деди Шавкат Мирзиёев.

Йўллардаги носозликлар сабабли, танбеҳлардан Автомобиль йўллари қўмитаси раҳбари ҳам қуруқ қолмади.

Эслатиб ўтамиз, Президентнинг Фарғона вилоятига ташрифидан сўнг, Фарғона шаҳар ҳокими ва қолган учта сектор раҳбари ҳам ишдан олинди.


Мақола муаллифи

Теглар

Баҳолаганлар

339

Рейтинг

3.1

Мақолага баҳо беринг

Дўстларингиз билан улашинг