Исроил гуманитар ёрдамдан ҲАМАС наф кўраётганини аниқласа, юклар киритилишини тўхтатмоқчи

Исроил хавфсизлик хизматлари Ғазо секторига етказилган барча инсонпарварлик ёрдамларини текширмоқда ва агар бу товарлар ҲАМАС ихтиёрига етиб бориши ҳақида далиллар мавжуд бўлса, улар блокланади. Бу ҳақда Исроил Бош вазири Биньямин Нетаньяху идораси баёнот берди.

“Озиқ-овқат ва дори-дармонлар Миср орқали келади ва Исроил хавфсизлик ходимлари томонидан текширилади ва назорат қилинади. Барча нарсалар тинч аҳоли учун мўлжалланган. Агар ҲАМАС уларни олиб кетаётгани аниқланса, етказиб бериш тўхтатилади”, дейилади матнда.

Нетаньяху идорасининг иддао қилишича, гуманитар ёрдам Исроилга мақсадларини амалга ошириш учун муҳим фаолият майдонини тақдим этади.

"Ёрдам Исроилдан эмас, балки халқаро ташкилотлардан келади", дейилади баёнотда.

Эслатиб ўтамиз, жорий йилнинг 28 октябрдан Исроил Ғазо сектори жанубига дори-дармон, озиқ-овқат ва ичимлик суви олиб кетаётган юк машиналарига рухсат берганди.