Исроил армияси ЖССТ карвонини ҳам ўққа тутди
Олам
−
18 Сентябрь 2079
Исроил мудофаа кучларининг иккита танки Ғазо секторида Жаҳон соғлиқни сақлаш ташкилоти бошчилигидаги карвонга ҳужум уюштирди. Бу ҳақда ЖССТ раҳбари Тедрос Аданом Гебреисус ижтимоий тармоқдаги саҳифасида маълум қилди.
Унинг сўзларига кўра, воқеа 14 сентябрь куни ЖССТ кортежи миссиядан Ғазо сектори шимолига қайтаётганда содир бўлган. Машиналар рухсат олиб, назорат-ўтказиш пунктидан ўтганларида Исроил танкларига дуч келган.
“Колонна яқинида танклар ўқ узди. Яхшиямки, ҳеч ким жабрланмади. Бу қабул қилиниши мумкин эмас”, деб ёзган Гебреисус.
Маълумот учун, 9 сентябрь куни Исроил ҳарбийлари Ғазо сектори шимолида гумонланувчилар бўлиши мумкинлиги ҳақида маълумот билан БМТ карвонини қўлга олган. Унда БМТ ходимлари эмлаш кампаниясини бошлаш учун шимол томонга кетаётган эди. Эртаси куни конвой қўйиб юборилган.
Эслатиб ўтамиз, аввалроқ Бирлашган Миллатлар Ташкилотининг Яқин Шарқдаги Фаластинлик қочқинларга ёрдам ва ишлар агентлиги (UNRWA) олиб кетаётган инсонпарварлик карвони Исроил денгиз кучлари томонидан ўққа тутилган эди.
Live
Барчаси
