Исроил “Ҳизбуллоҳ”га қарши қирувчи самолётларини учирди

World

−

18 November 2023 visibility9577 timer1 minute

Исроил мудофаа кучлари қирувчи самолётлар ва вертолётлар ёрдамида Ливандаги "Ҳизбуллоҳ" ҳаракатининг ҳарбий инфратузилмасига зарба берди. Бу ҳақда ЦАХАЛ ахборот хизмати маълум қилди.

"Қирувчи самолётлар "Ҳизбуллоҳ"га тегишли инфратузилма, объектлар, тезкор қўмондонлик марказлари ва ҳарбий постларни нишонга олди”, дейилади бу ҳақдаги баёнотда.

Аввалроқ, "Ҳизбуллоҳ" Ливандан Ҳар-Дов тоғлари ҳудудида жойлашган Исроил мудофаа постига ҳужум қилган бўлиб, снарядлар очиқ жойга тушган. ЦАХАЛ ушбу ҳужумдан ҳеч ким жабрланмаганини маълум қилганди.

Эслатиб ўтамиз, Ливандаги “Ҳизбуллоҳ”нинг қуролли қаноти мамлакат жанубидан Исроил армиясининг олтита постига зарба бергани ҳақида хабар бергандик.

Қайд этилишича, бу операция Исроил армиясининг Ғазо секторидаги ишғолчи кучлари томонидан тинч аҳолининг қирғин қилинишига жавобан амалга оширган.

Author