Испаниялик машҳур мухлис 76 ёшида вафот этди
Спорт
−
02 Май 3523
Испаниянинг машҳур мухлисларидан бири Маноло 76 ёшида вафот этди. Бу ҳақда ESPN нашри хабар берди.
Манбага кўра, Маноло нафас етишмовчилиги муаммоси билан бир неча ҳафтадан бери шифохонада ётган. Маноло охирги бор март ойи сўнгида “Месталья” стадионида бўлиб ўтган Испания-Нидерландия ўйинида кўриниш берган.
Маълумот ўрнида, Маноло Испания терма жамоасини 1982 йилдан бери, яъни “қизил фурия” мезбонлик қилган мундиалдан бери қўллаб-қувватлаб келади. У 10 та Жаҳон чемпионати ва 8 та Европа чемпионатини кўришга муваффақ бўлган. Маноло “Эль бомбо”, яъни барабанчи лақабини олган. Чунки у ҳар ўйинда катта барабани билан стадионни ларзага келтирарди.
Қайд этилишича, Испания терма жамоаси ва Ла Лига ва бир қанча клублар унинг оиласига ҳамдардлик билдирган.
Live
Барчаси
