Ispaniyadagi mundial Madrid klubining stadionisiz o‘tishi mumkin

Ispaniya 2030 yilda Portugaliya va Marokash bilan birgalikda futbol bo‘yicha Jahon chempionatiga mezbonlik qiladi. “Atletiko Madrid” klubi rahbariyati musobaqani o‘z stadionida o‘tkazishdan bosh tortmoqda. Bu haqda “El Mundo” nashri xabar berdi.

Manbaga ko‘ra, ayni vaqtda Ispaniyada qaysi stadionlar musobaqaga mezbonlik qilishi borasida qizg‘in munozaralar bo‘lmoqda. Ayniqsa, Madriddagi “Atletiko” klubining stadioni bo‘lgan “Metropolitano” turnirdan chetda qolishi mumkin. Sababi jamoa rahbarlari yangi mavsum oldidan ikki oy mobaynida mashg‘ulot o‘tkaza olmaydi va bu “matraschilar”ning mavsumdagi o‘yinlariga ta’sir o‘tkazishdan xavotirda.Bu muammo stadioning Jahon chempionatini qabul qiluvchi o‘yingohlar qatoridan tushib qolishiga olib kelishi mumkin. 

Yana bir shov-shuvli yangilik bu Vigodagi o‘yingohning Jahon chempionatidan chetlatilib, uning o‘rniga San-Sebastyandagi arenaning qo‘shilishi katta janjalga sabab bo‘lgan. Qayd etilishicha, tashkilotchilar San-Sebastyandagi “Real Sosedad” stadionining ayrim joylarini ta’mirlash majbur bo‘lgan. Mutaxassislar esa buni aldov deb qabul qilmoqda.