Инвесторлар Ўзбекистонда қандай муаммоларга дуч келяпти?

Ўзбекистон 3 йилдирки хорижий инвестицияларни жалб қилишга катта эътибор бериб келяпти. Бироқ қатор қарор, фармон ва ҳуқуқий ҳужжатларга қарамай инвесторлар Ўзбекистонга киришида тўсиқлар сақланиб қоляпти.

Сансоларлик, йирик лойиҳларнинг етарли даражада кўп эмаслиги инвесторларга тўсиқ бўлиб келяпти, деди Ўзбекистон Республикаси Олий Мажлиси Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси Алишер Курманов айтиб ўтди.

“Биринчидан, сансоларлик, бюрократия ҳамон сақланиб қоляпти. Иккинчидан, хорижий инвесторлар учун яхши катта лойиҳалар керак. Бизда катта лойиҳалар бўляпти. Бироқ улар учун бу етарли эмас. Учинчи масала катта 1 млрд долларлик лойиҳани амалга ошириш учун 5-6 йил керак. Лекин кичкина 5-10 млн долларлик лойиҳалар вилоятларда амалга ошириляпти”, деди Алишер Курманов.

Сенаторнинг сўзларига кўра, кичик лойиҳалрнинг орасида 100 фоиз экспортга йўналтирилганлари ҳам бор.