“Интер Майами”га янги бош мураббийи тайинланди

Аргентина терма жамоаси сафида 2004 йилги Олимпиада футбол турнири ғолиби бўлган Кили Гонсалес MLS’нинг “Интер Майами” клубига бош мураббий этиб тайинланди. Бу ҳақда жамоа матбуот хизмати хабар берди.

52 ёшли мутахассиснинг шартнома муддати маълум қилинмаган. Гонсалес зарур рухсатномаларни олганидан сўнг жамоа билан иш бошлайди. Ҳозирча “Интер Майами”ни Гильермо Хойос бошқариб турибди.

Жамоанинг аввалги бош мураббийи Аргентина ва “Барселона”нинг собиқ футболчиси Хавьер Маскерано эди. У 2024 йил ноябридан 2026 йил апрелигача клубда ишлади ва жамоа билан MLS чемпионлигини қўлга киритди. Маскерано кетганидан сўнг Хойос вақтинчалик бош мураббий вазифасини бажариб келди.

Маълумот учун, футболчилик фаолияти давомида Гонсалес “Валенсия” билан Испания чемпионати ва Суперкубогида ғолиб чиққан. Кейинчалик “Интер”да тўп суриб, клуб билан икки марта Италия Кубоги ва Испания чемпионлигини қўлга киритган. 2004 йилда Гонсалес Аргентина терма жамоаси билан Олимпиадада олтин медаль соҳиби бўлган.

Мураббийлик фаолиятида эса аргентиналик мутахассис “Росарио Сентрал”, “Унион Санта-Фе” ва “Платенсе” жамоаларида ишлаган.