Инфантино Испания терма жамоасига чемпионлик узукларини совға қилди

Халқаро футбол федерацияси (FIFA) президенти Жанни Инфантино 2026 йилги Жаҳон чемпионатида ғолиб чиққан Испания терма жамоасига махсус хотира узукларини топширди. Бу ҳақда Инфантино ўзининг Instagram саҳифасида маълум қилди.

Чемпионлик узуклари Америка спортидаги, хусусан NFL ғолибларига бериладиган Super Bowl чемпионлик узуклари анъанаси асосида ишлаб чиқилган.

Маълумотларга кўра, жами 2026 та узук тайёрланган. Шундан 30 таси Испания терма жамоаси футболчилари ва мураббийлар штабига тақдим этилган. Қолган 1996 таси эса расмий лицензияланган маҳсулот сифатида сотувга чиқарилади.

Узуклар олтиндан ясалган бўлиб, олмос ва сапфир тошлари билан безатилган. Ҳар бир узукка Жаҳон чемпионати кубоги тасвири ўйиб ишланган. Шунингдек, дизайн ғолиб мамлакатга мос равишда махсус элементлар билан безатилган. 

Эслатиб ўтамиз, Испания терма жамоаси 2026 йилги Жаҳон чемпионати финалида Аргентинани қўшимча вақтда 1:0 ҳисобида мағлуб этиб, ўз тарихида иккинчи марта жаҳон чемпионига айланган эди.