Икарди ва Нара можароси давом этади

ПСЖ ҳужумчиси Мауро Икарди турмуш ўртоғи Ванда Нарага хиёнат қилмаганини таъкидлашда давом этмоқда.

Аввалроқ, Мауро Икарди хотинини колумбиялик модель Чайна Суарес билан учрашмаганига ишонтиргани бироқ Чайнанинг таниши Ванда Нарага иккисининг учрашуви ҳақида батафсил маълумот берувчи электрон почта хабарини юборгани ҳақида хабар берган эдик.

Наранинг дугонаси – аргентиналик журналист Ианина Латорре шов-шувли можаро тафсилотлари ҳақида маълумот берди. У футболчи билан гаплашган ва Мауро ҳақиқатан ҳам модель Чайна Суарес билан Париждаги меҳмонхонада учрашганини ва у ерда бошқа шахс номига хона буюртма қилганини тан олган. Бироқ футболчининг таъкидлашича, улар ўртасида ҳеч қандай яқинлик бўлмаган. Икарди таъкидлашича, қизга у сўраганидек ўз футболкасини берган, кейин эса ўзини ёмон ҳис қилган ва иситмаси кўтарилган. 

Эслатиб ўтамиз, жорий йилнинг октябрь ойида, Нара Икардини хиёнатда айблаб, ижтимоий тармоқларда у билан биргаликда тушган барча суратларини ўчириб ташлаган эди. Бироқ вақт ўтгач, жуфтлик ярашиб олгани ҳақида хабарлар тарқалганди. 

Маълумот учун, Икарди Нара билан 2014 йилда танишган. Ўшанда Ванда аргентиналик бошқа бир футболчи Макси Лопесдан воз кечиб, Мауро билан ишқий муносабатга киришган. Лопес Лионель Мессининг яқин дўсти ҳисобланади.