Happy birthday! – Мирзиёев Нарендра Модини 70 ёши билан қутлади

Ўзбекистон Республикаси Президенти Шавкат Мирзиёев Ҳиндистон Республикаси Бош вазири Нарендра Модига унинг 70 ёшлик таваллуд аёми муносабати билан самимий қутловларини йўллади.  

Ўзбекистон раҳбари ўз мактубида Ҳиндистон Бош вазирига сиҳат-саломатлик, бахт-саодат ва масъулиятли давлат лавозимидаги фаолиятида янги муваффақиятлар, дўст Ҳиндистон халқига эса тинчлик-омонлик ва бардавом тараққиёт тилади.

Маълумот ўрнида, Нарендра Моди 1950 йилнинг 17 сентябрь куни Ҳиндистоннинг Ваднагар шаҳрида таваллуд топган. У мамлакатнинг ўн олтинчи Бош вазири.

2014 йил Нарендра Моди Бош вазир лавозимига сайланган.

2018 йилда у Forbes журнали талқинига кўра дунёдаги энг нуфузли одамлар рейтингида 9-ўринни эгаллади. 

Ҳиндистонда ҳам,  чет элда ҳам Моди жуда зиддиятли шахс сифатида қаралади. Унинг 2002 йил Гужарат погромидаги ҳаракатлари қаттиқ танқид қилинди. Хусусан, у ҳинд мусулмонларини ҳимоя қила олмаганликда айбланди. Шунга қарамай, Моди Гужарот аҳолиси орасида катта ҳурматга эга. У 2001-2014 йилларда Гужарот штати Бош вазири бўлган.