Грузия парламенти Президентга қарши бормоқчи

Грузия парламенти республика президенти Саломе Зурабишвилининг чет эл агентлари тўғрисидаги қонунга қўйган ветосини енгиб ўта олади. Бу ҳақда Грузия парламенти раиси Шалва Папуашвили журналистларга маълум қилди. 

“Албатта, парламент бу ветони [хорижий агентлар тўғрисидаги қонунга] бекор қилади, чунки бу яна бир бор қонун грузинларники эканини кўрсатади”, дейди Папуашвили. 

Парламент спикерининг аниқлик киритишича,20 май куни парламент бюросининг йиғилиши бўлиб ўтади, унда Президент ветоси рўйхатга олинади ва Ҳуқуқий масалалар қўмитасига кўриб чиқиш учун киритилади. Қўмита ветони кўриб чиққач, у ялпи мажлисда овозга қўйилади. 

18 май куни Зурабишвили чет эл агентлари тўғрисидаги қонунга вето қўйиб,уни бекор қилиш кераклигини, чунки у Европа стандартларига зид ва уни қабул қилиш мумкин эмаслигини айтди. Кейинроқ ОАВда президентнинг парламентга айтган сўзлари тафсилотлари пайдо бўлди. Уларда у қонуннинг бандларига ҳеч қандай ўзгартириш киритмайди ва кучга киргандан кейинги кун уни бекор қилишни таклиф қилади. 

14 май куни Грузия парламенти “Хорижий таъсирнинг шаффофлиги тўғрисида”ги қонунни учинчи ўқишда қабул қилди, бу эса Европа Иттифоқининг мамлакатнинг Европа Иттифоқига интеграциялашувини тўхтатиб қўйиш таҳдидлари ҳақида кескин баёнотларга сабаб бўлди. Грузия Президенти Саломе Зурабишвили 18 май куни қонунга вето қўйган эди. Аввалроқ Бош вазир Ираклий Кобахидзе, агар Президент томонидан берилган асосли изоҳлар мақбул бўлса, парламент вето қўйишни қўллаб-қувватлаши мумкинлигини айтган эди. Шу билан бирга, Зурабишвили таъкидлаганидек, у ўзгартиришлар киритмайди, чунки қонунни қабул қилиш мумкин эмас. 

“Хорижий таъсирнинг очиқлиги тўғрисида”ги қонун лойиҳасини кўриб чиқиш жорий йилнинг апрель ойида бошланган. Ўшандан бери Грузияда кенг кўламли намойишлар бўлиб ўтмоқда. Бир неча марта улар хавфсизлик кучлари билан тўқнашувга айланган.  Қонунга АҚШ, Европа Иттифоқи, БМТ, НАТО, ЕХҲТ ва Европа Кенгаши қарши чиқмоқда. Европа етакчилари бу қонун Европа қадриятларига зид эканини айтади. Грузиянинг ҳукмрон партияси етакчиларининг таъкидлашича, у фақат нодавлат сектор ва оммавий ахборот воситаларининг хориждан молиялаштирилиши шаффофлигини таъминлашга хизмат қилади.