Германия Украинага разведкачи дронларни етказиб беради

Германиянинг Rheinmetall мудофаа концерни Украина Қуролли кучларини 2023 йил охиригача замонавий разведкачи LUNA NG учувчисиз самолёти билан таъминлайди. Бу ҳақда “Bild” газетаси хабар берди.

LUNA NG – бу мутлақо янги дрон тизими бўлиб, у барча асосий хусусиятлар бўйича аввалги моделдан устун туради. Ушбу турдаги дронлар разведка тизими сифатида қўлланилишидан ташқари, LTE тармоғини ҳам таъминлаши, алоқани ушлаб туриши ёки тиқилиб қолиши мумкин.

Дроннинг бошқа моделлари аллақачон Германия Қуролли Кучлари захираларидан Украинага етказиб берилган. Киевга етказиб бериладиган жорий дронлар тўпламига бир нечта учувчисиз самолётлар ва учириш катапулти бўлган ерни бошқариш станцияси киради.

LUNA NG — LUNA Х-2000 дронининг такомиллаштирилган версияси бўлиб, у Германия Қуролли Кучларида 2000-йилларнинг бошидан бери хизмат қилмоқда.

Эслатиб ўтамиз, олдинроқ Rheinmetall мудофаа концерни раҳбари Армин Паппергер Украинада қурилаётган заводда 15-20 ой ичида энг янги немис Panther KF51 танкини ишлаб чиқариш бошланиши мумкинлигини айтганди.