Гави Мессидан кейин дунёнинг энг яхши футболчиси кимлигини айтди

Спорт

−

16 Январь 2025 visibility7302 timer1 дақиқа

“Барселона”нинг 20 ёшли ярим ҳимоячиси Гави Каталония жамоасининг 17 ёшли вингери Ламин Ямални дунёнинг энг яхши футболчиси деб ҳисоблайди. Бу ҳақда у “Бетис” билан Испания кубоги 1/8 финал учрашувидан сўнг ESPN'га берган интервьюсида айтди.

“Ҳа, бу ҳақиқат. Лионель Мессидан кейин у энг зўр футболчи”, дейди Гави.

Қайд этиш жоиз, 5:1 ҳисобида Барселона фойдасига ҳал бўлган ўйинда Гави 3-дақиқадаёқ биринчи голни урди. Ямаль эса 1 та гол урди ва голли узатмани амалга оширди.

17 ёшли футболчи Каталония жамоасига 2023 йилнинг июль ойида келиб қўшилган эди. Жорий мавсумда Ямаль 24 та ўйинда қатнашиб, 9 та гол урди ва 13 та голли узатмани амалга оширди. “Transfermarkt” порталига кўра, футболчининг трансфер қиймати 180 миллион еврони ташкил қилади.

Мақола муаллифи