Францияда 8 ёшли бола I Жаҳон урушига оид граната топди

Олам 6590
image

Лион яқинидаги Тассан ля Деми-Люн коммунасида 8 ёшли бола ўз боғидан I Жаҳон урушига оид граната топди ва уни қуролсизлантириш учун сапёрлар етиб келди. Бу ҳақда “РИА Новости” хабар бермоқда.

Маълум қилинишича, бола боғда укалари билан ўйнаб юрганида тўсатда гранатани топиб олади.

“Ёшлигига қарамай, у дарҳол укаларига “эҳтиёт бўлинг ва узоқроққа боринг, бу гранатага ўхшаяпти”, деди. Шундан кейин у менга хабар берди, мен эса жандармаларни чақирдим” дейди боланинг отаси.

Сапёрлар гуруҳи келгунига қадар граната атрофдан бир неча ўн метрлик масофада қамал қилинган, кейинчалик хавфсизлик нуқтаи назаридан у ҳудуддан олиб ташланган.

Умиджон Нозимжонов
Мақолага баҳо беринг
Баҳолаганлар: 335
Рейтинг: 3
t
×