Фернандеш гол уриш борасида афсонавий Бекхэмни ортда қолдирди
Спорт
−
13 Январь 1062
“Манчестер Юнайтед” клуби ярим ҳимоячиси Бруну Фернандеш жамоа тарихидаги тўпурарлар орасида афсонавий Дэвид Бекхэмдан ўтиб кетди.
Португалиялик футболчи “манкунианликлар” сафида умумий 86 та гол урди ва бу борада 85 та гол киритган Девид Бекхэмни ортда қолдирди. Фернандеш умумий рўйхатда эса 21-ўринга кўтарилди.
Маълумот ўрнида, 13 январга ўтар кечаси Англия кубоги 3-босқичи доирасида “Манчестер Юнайтед” Лондоннинг “Арсенал” клуби меҳмони бўлди. Ўйиннинг асосий вақтида 1:1 ҳисоби қайд этилиб, ғолиб пенальтилар сериясида аниқланди ва унда “қизил иблислар” 5:3 ҳисобида ғалаба қозонди. Баҳсда ҳисобни Бруну Фернандеш очди.
Қайд этиш жоиз, клуб тўпурарлари рўйхатининг 20-ўринда Антони Марсьяль 90 гол билан қайд этилган. Бу борада яққол етакчи 253 та гол билан жамоанинг афсонаси Уэйн Руни ҳисобланади.
Live
БарчасиСамарқанд шаҳрида метро қурилади.
14 Январь
Доллар курси пастлади.
14 Январь
