UFC 249. Жастин Гетжи Тони Фергюсонни мағлубиятга учратди (видео)

Спорт 10 Май 10:21

15557

Америкалик аралаш кураш (ММА) жангчиси Жастин Гетжи Мутлақ жанглар чемпионатининг (UFC) Флорида штати (АҚШ) Жексонвилл шаҳрида ўтган UFC 249 мусобақасинининг асосий жангида ватандоши Тони Фергюсонни техник нокаутга учратиб, ғолиб бўлди.

Енгил вазн тоифасидаги жанг (70,3 кггача) бешинчи раундда тўхтатилди.

Энди Гетжи совринли жангда россиялик Ҳабиб Нурмуҳамедов билан жанг қилади.

Маълумот учун, дастлаб жорий йилнинг 19 апрель куни Ҳабиб ва Тони жанги ўтказилиши керак эди. Бироқ Нурмуҳамедов коронавирус пандемияси сабаб Россиядан кета олмади ва жангдан воз кечди. Унинг ўрнини Гетжи тўлдирди.

Фергюсон шу вақтгача 29 та жанг ўтказиб, 25 тасида ғолиб бўлган ва тўрттасида мағлубиятга учраган. Гетжи эса 24 та жанг ўтказиб, 22 тасида қўли баланд келган. Фақатгина иккита жангда мағлуб бўлган.

Суннатилла Абдуллаев

Мақолага баҳо беринг

Баҳолаганлар: 538

Рейтинг: 3