Файзуллаев ва Ҳусанов нуфузли нашр томонидан эътироф этилди
Спорт
−
29 Декабрь 2023 9152
Футбол бўйича Ўзбекистон миллий терма жамоаси аъзолари Аббос Файзуллаев ва Абдуқодир Ҳусанов Франциянинг машҳур “FootMercato” нашри томонидан дунёнинг энг яхши ёш футболчилари рўйхатига киритилди.
2023 йилнинг вундеркинд футболчилари рўйхати 21 ёшгача бўлган футболчилардан ташкил топган.
Файзуллаев дунёнинг энг яхши ҳужумкор футболчилари орасидан жой олган бўлса, овоз бериш натижаларига кўра, Матис Тел дунёнинг энг яхши ҳужумкор вундеркинди деб эътироф этилди.
Ҳусанов эса энг яхши марказий ҳимоячилардан бири сифатида қайд этилган. Бу борада “Манчестер Сити” аъзоси Йошко Гвардиол тенгсиз деб топилди.
