Фарғонадаги ЙТҲда 2 та оиланинг 6 нафар аъзоси ҳалок бўлди

3-саҳифа 8346
image

Фарғона вилояти Ёзёвон туманидан ўтган А-373 йўлида содир бўлган йўл-транпорт ҳодисасида 2 оиланинг 6 нафар аъзоси ҳалок бўлган. Бу ҳақда йўл-транспорт ҳодисалари олдини олиш, мавжуд муаммоларни бартараф этиш ва олдинда турган вазифаларни келишиб олиш юзасидан Фағона вилоятида ўтказилган йиғилишда маълум қилинди.

Қайд этилишича, йиғилишда вилоятнинг Ёзёвон тумани ҳудудидан ўтган А-373 халқаро аҳамиятдаги йўлда содир этилган мудҳиш йўл-транспорт ҳодисаси оқибатида 6 нафар фуқаро – икки оила вакили вафот этгани ва 4 нафар фуқаро туман шифохонасининг жонлаштириш бўлимида ҳаёт учун кураш олиб бораётгани таъкидланган.

Шундан келиб чиқиб, водий вилоятларини боғловчи А-373 йўналишидаги йўл белгилари, бетон тўсиқлар, йўл ёритгичларини қайта кўриб чиқиш бўйича ишчи гуруҳ тузилиб, водий вилоятлари тўлиқ ўрганиб чиқилиши таъкидлаб ўтилган.

Эслатиб ўтамиз, аввалроқ Тошкент вилояти Оҳангарон туманида КамАЗ, Lacetti ва MAN автомобиллари иштирокида йўл-транспорт ҳодисаси рўй берганди. Унда КамАЗ ва Lacetti тўлиқ ёниб кетди.

Умиджон Нозимжонов
Мақолага баҳо беринг
Баҳолаганлар: 304
Рейтинг: 3
t
×