Фарғонада 150 килограмли бомба топилди
Жамият
−
10 Октябрь 2019 8228
Фарғона вилоятининг Қува туманида кутилмаган ҳолат кузатилди. Бу ҳақда “Постда” нашри хабар бермоқда.
Жорий йилнинг 7 октябрь куни соат 16:00 ларда “Турк” маҳалла фуқаролар йиғини ҳудудида жойлашган “Абдуқодир” боғдорчилик фермер хўжалигининг гилос боғидан шартли белгиларсиз, узунлиги 94 см., оғирлиги 150 кг бўлган авиация бомбаси топилган.
“Хайриятки, ҳеч кимга зарар етмади”, дейилади ИИВ нашри хабарида.
Қайд этилишича, айни пайтда йўқ қилиш мақсадида ҳарбий қисмга топширилган бомбанинг боғда қандай пайдо бўлиб қолгани, қанчалик хавфлилиги юзасидан суриштирув ишлари олиб борилмоқда.
Live
Барчаси
