Фарғона ИИБ масжид имоми фарзандлари билан заҳарланиб вафот этиши бўйича расмий муълумот берди

Бироз аввал, Қўқон шаҳридаги “Ҳазрати Аббос” масжиди имом-хатиби Саидкамолхон Маҳмудов турмуш ўртоғи ва уч нафар вояга етмаган фарзандлари билан хонадонида ис газидан вафот этгани ҳақида хабар берган эдик. Фарғона вилояти  ИИБ ушбу хабарни тасдиқлаб, дастлабки маълумотларни очиқлади. 

Қайд этилишича, бугун, 21 март куни тушган хабарга кўра, шу куни соат 13:53 да 1986 йилда туғилган Қўқон шаҳар, Шикорбеги 3-тор кўчаси 53-уйда яшовчи Толибжон Адилович Жабборов вилоят ИИБ “102” хизматига қўнғироқ қилиб, шу куни Қўқон шаҳар, Шикорбеги 3-тор кўчаси 56-уйда яшаган қўшнилари:

•    1989 йил 28 сентябрда туғилган, Қўқон шаҳар, Шикорбеги 3-тор кўчаси 56-уйда яшаган, “Ҳазрати Аббос” жомъе масжиди имоми-хатиби Сайидкамолхон Маҳмудов; 

•    Шаърий тумуш ўртоғи – 1994 йил 1 июнда туғилган, Қўқон шаҳар, Шикорбеги 3-тор кўчаси 56-уйда яшаган, уй бекаси Муқаддамхон Хўжаева; 

•    Қизи –2014 йил 23 декабрда туғилган Қўқон шаҳар, Шикорбеги 3-тор кўчаси 56-уйда яшаган Маҳмудова Оминахон Маҳмудова; 

•    Ўғли – 2017 йил 25 январда туғилган, Қўқон шаҳар, Шикорбеги 3-тор кўчаси 56-уйда яшаган Сайидмадёрхон Валиев; 

•    Ўғли – 2019 йил 10 октябрь куни туғилган Қўқон шаҳар, Шикорбеги 3-тор кўчаси 56-уйда яшаган Сайидмуҳаммадбилол Маҳмудов ўз яшаш хонадонида газдан заҳарланиб, вафот этган.

Шунингдек:

Отаси – 1966 йилда туғилган Қўқон шаҳар, Сангзор кўчаси 2-уйда яшовчи Валижон Маҳмудов; 

Укаси – 1994 йилда туғилган Қўқон шаҳар, Сангзар кўчаси 2-уйда яшовчи, ҳайдовчи Сайидмадамин Тўрахонов; 

Опаси – 1988 йилда туғилган Қўқон шаҳар, Ораста кўчаси 43-уйда яшовчи Нозимахон Аҳмедова газдан турли даражада заҳарланиб, шифохонага олиб келинган.

Мазкур ҳолат юзасидан Қўқон шаҳар покуратураси томонидан терговга қадар текширув ўтказилмоқда.