Фьюри Жалоловни мағлуб этган боксчига қарши жанг қилмоқчи эмас

Профессионал бокснинг супероғир вазн тоиқасида WВC камари соҳиби Тайсон Фюри (31-0-1) Диллиан Уайт ва Жо Жойсга қарши жанг иштирок этиши мумкинлиги ҳақидаги саволга жавоб берди.

“Мени Жо Жойс ёки Диллиан Уайтга қарши жанг қизиқтирмайди. Фақатгина иккита жангга рози бўламан: Энтони Жошуа ёки Александр Усик. Бошқа ҳеч ким қизиқтирмайди”, дейди Фьюри.

Фьюри, шунингдек, 2022 йилнинг февраль ойида Усикт (19-0) ва Жошуа (24-2) ўртасидаги реванш жанги ғолибига қарши рингга кўтарилиш истагида эканини маълум қилди.

“Февралда иккисининг жангини кўрамиз, тўғрими? Ноябрь ойига қадар кўп нарса содир бўлиши мумкин”.

Эслатиб ўтамиз, украиналик промоутер Александр Красюк агар Усик Жошуа устидан ғалаба қозонса, WВC чемпиони Тайсон Фьюрига қарши рингга кўтарилишини айтиб ўтган эди.

Маълумот учун, Жо Жойс (11-0) 2016 йилги Рио Олимпиадасининг чорак финалида Баҳодир Жалоловни (8-0) мағлуб этган.